PONINg KE 106 ( Yang Mana Hebat...... Bapak ke......atau Anak?)

Suatu yang kita pikir..an untuk di kongsi besamo ngan kekawan dalam alam may nniii....... Bulan poso memang sumo oghang tunggu2.........yg x poso dio oghang x heghan langsung...... macam nampak bulan ni x spesial........ tu kan namo ey buto hati.......... jgn lerrrr kita buto hati........ kalu buto mata leh yo laieee ghabo2......ops jgn pikir...an yg x elok yo....... kita ni niat yg elok yo.....

Apokah kaitannyo posting kita kali ni bersangkut tak ngan topik yg kek ateh tu........ meh kita bawak sudagho ke alam tarawih...... cito nyo can ni......... tarawih keduo kita gi lerrrr ke sebuah masjid kek dalam taman......boso taman tu....... kok di kigho sampai tujuh peringkat...... penduduk ey .....sampai cam tu ghamai ey......... Bolom laie mula tarawih ........ kek belakang jemaah....... pempuan....... macam bunyi tabuan......... mak aiiiiii......... bodongung..... bunyi eyy.......nak poning kita donga........... ingek...an beboto lebah......yg datang.... tapi ditelek2 beboto...... ghupo ey bebudak...... mang ghamai ey bebudak......kek taman tu.......... meghiah....boto........

Maso sembahyang tarawih........ 13 boleh rakaat .....bunyi tu tak yo ghodo2..........cam no mula ......cam tu.....ler sampai jemaah pulang....... Kita naik heghan..... cam no bebudak tu buleh ado kek masjid........ kok setakat nak buek bising.......atau pun nak kan kueh....... atau nak ponteng ghumah? entahlah x dapek kita nak khoba..an.

Kita tahu ......tompek masjid tompek ibadah....... tompek yg seghonok nak beghamal secara bermasyarakat.... ghamai2 buek tarawih........ ni x leh cam tu doh.....poning kita..... Kita cuba yo nyolam dalam dighi bebudak.......... ini ler yg kita depak......... kok kito dibawak oleh bapak ko.......atau omak ko......... tak diposan..an supayo bebuek baik2 kek masjid itu lah jadi ey..... Kok tak di togo oleh bapak ko @ omak ko....... sampai bilo dio nak tuhu disiplin kek masjid...... lamo2 pekagho cam tu jadi biaso......bilo dah biaso dah jadi sikap........bilo dah jadi sikap mako jadi lah budayo baghu......... bebudak tak tahu hurmat oghang tu....... malah tak hurmat langsung kepado oghang tetuo nak sembayang sbb kocek2 laie tak ditunjuk ajar...... Tak heghan kita tengok bebudak jaman sekaghang ni tak di apek..an oghang tetuo....... Bilo tak hurmat...an oghang tetuo mako dio oghang tak hurmat..an pengalaman oghang tuo tu......ilmu ey ko.......pangdangan ey ko.... apo2 ajo lah yg buleh dibuek pedoman.....

Mako kita pun beghaleh tompek tarawih....... kito poie kek kampung....... agak jauh yo....tompek tu........ 15 minit baghu sampai..... Alhamdullih....... bebudak kek situ.....tak buek bising.... toghotib ...... dok jemaah samo sekali ngan oghang tetuo.....tahu ey kek sap belakang...... Aman cikit kita kek situ......jauh sikit pun tak apo ......janji jiwa kito tonang nak tarawih...

Dalam kita monung2..an.... masih laie kokal budayo hurmat kek oghang tetuo di kawasan kampung..... respek dio oghang kito sanjung....... habih cam no nak cakap....... kok kito togo..... melawan dio........ yg tak tahan bapak ko ....omak dio ko yang lobeh2..... maghah kek kito nanti...... daghi nak erat..an silaturahim.......jadi musah lah.......... entah lah..... jaman apo sekaghang ni...... kok tak jaman jahilliah......moden....... ghodo bebusing la ni.......... jadi kan mano yang hebat......bapak ko....atau anak....... kek masjid....... sbb kita oghang tetuo x dapek nak buek bising......tapi bebudak buleh........emmmmmmmm pikey ler sendighi.......

ws....... buek pedoman.....nak didik anak2..........