JEJAK2 PONINg IX (Kampung Stesyen.............Siri 2 )

Panjang ongap kita laiee.....dapek juo nulih post kali ni.......kok nak kigho..an...... dah somput ghaso ey........tapi..an bili kita lalu laiee kek kampung ni.......nampak juo lori2 munggah pasir......kekadang haghi minggu pun dio oghang belash yo.......munggah-munggah pasir tu kuar kampung..........

Cubo ekau sumo tengok kek ateh tu......amaran semacam yo bunyi ey........ kok ko oghang sumo lughus bondo........ ko balik lerrr... Kita mandang..an cam niea.......Bahayo kek kito ......Kayo kek dio.......... kek luar ni bahayo.....kek dalam nun syurgo kek dio......... tak paham lantak lah ko.....

Mudah yo naik kudo lamo...... kok kita kigho2 dokek 3 ko 4 km ghaso ey......kita nunggang kudo lamo kita tu........ kesian dio,.........lamo kita tak mandi..an....dio.......tapi cam no pun dio totap setio........
Kek dalam sinun tu kita nampak gunung pasir telonggok........u maaaaannnnngggg ey.......pakai sodut.......pakai enjin sodut........dah......syat nyerrrr... Kita ghaso tetipu lak...........kek jalan mulo2 masuk.......... ado syarikat koperasi koghek pasir ni dah x ado laie .......dah tutup.......ingek..an bona2 dah tutup........ kita sajo2 nak riki tompek mencing....tapi kita jumpo bukit pasir ni........ tepeghanjek boghok sobab pakai sodut...........

Ngikut..an kita ....tap apo lah koghek pasir ni elok ....sb mendalam..an sungai......okey lerrrr yang kita x tahan tu........ tadi tepeghanjek boghok......ni laie godang.........teghamang boghok............ pasal ey......koghek pasir kek daghek.......tobing sungai tu............. di koghek ey........ peh tu pakai mesin masuk..an kek sungai......sonang nak sodut. ....pindah...an kek seboghang sini.....

Ko tengok lerrr..... alam sekitar........ mano yg x nanghis....... sobab duit............ ni M.Nasir lerrrrr nyanyi duit...duit.........dimana kau duit....... potongan lirik di terjemahan.......oleh manusia rakus ....... seperti kek ateh tu....... apo jo di belasah...ey asalkan jadi duit...... Jadi oghang2 yang tinggal dokek dongan lalu..an lori ni dah naik bosan..... Kojap donga dah tutup pasir tu........kokojap yo lopeh tu di koghek balik semula......cam no...... loteh...2....... tu lerrr tu......saluran 4, 3, 2 lopeh kek tangan oghang lain........ yg tingga saloran 1 yo ......ni pun oghang2 ey sumo dah tuo2........ sobab dio oghang dah jumpo lubang ketigo....he....he....heh......... jangan poning-poning mikiran......cakap kita tu.......nak tahu tel......kita..........x tahu caghi lerrrrr.....

Donga2......oghang2 kek sepanjang sungai simen dapek pampasan.... sbb projek nak lughus..an sungai....... beghuntung lerrr oghang2 Ghantau.......kayo jam-jam tu yo........ Lopeh ni kojo-kojo munggah...an pasir pun mulo lah........... nak lughus kono punggah...an pasir tu...... Ni lain lak cito kek kampung stesyen.......... agak2 ey bilo laiee lah....projek nak lughus ..an sungai.......... nak yo ghaso duit pampasan tu......... Kita ghaso pun x lamo....kayo ey.......sbb oghang kito ni bilo dapek duit manyak sikit .........macam boyo lapar............ ganeh...... Kek kodai2 minam pagi....kita donga...an lerrr cito dio oghang...........

nanti lah.....kita sambung laieee ....sbb fb dah ngolip2.........