PONING KE 110 ( Nak Ikut CC9......ke Bkt Broga......?)

Kita ngan kenkawan yg lain ey......dah pilih haghi bulan Nobember maso tu ghayo deepabali.....meh lah kito geghamai panjek bukit Broga kek Semonyeh.... Ini bukan ey tuk geng2 kita.....tapi dibukak tuk sumo oghang yg minat nak ikut.....gilo2 kenkawan kita......

Kok Buleh kito gheghamai belunggok kek mesojid beghanang.......paling lewat pukul 3 potang.....peh tu kito komboi ke sinun....Maso kek mesojid......chi kito akan boghi satu manual tuk nak ambik gambar lam cahayo yg ghondah.......sonang sobut...ey......shoot waktu malam.. kono bawak tripod... air nak nogok....bawah..an tokak.... Kek etah tu nanti kito belunggok.....saksi..an keindahan ciptaan Allah Taala........samo2 kita insapi ey.....

Kali ni kok ado yg nak bawak famili ey....pun buleh yo...... Ado lah kenkawan yg tak naik kek ateh ....dio sukarela masak..an makan malam......kek bawah.....kek parkir keto.....

Ado yg polek ....kok dio baco boto2 tajuk posting kali ni......pasal CC9 tu...... cito ey....cam ni...... baghu2 ni kita ngan geng2 tuo......ado buek pejumpaan.....tompek rahsio...... kami caghi satu namo yg buleh kito sobut2 selalu.....jadi ey.....timbul cakap2 chimping club 9......kopendek..an ey...CC9......nanti lah kito ghancang nak buek baju ey.....cammacam laieee.....

Kito maso nak kek sinun tu......kono lah baya sikit......ghaso-ghaso kita....cumo 10 ghiar sajo... bagi nak nampung aleh poghut.....bilo kito tughun ke bawah nanti... kok Ghaso nak ikut......cocubo tipon geng kita kek tampin......koto....... pilah.....dio oghang tahu hal ni......tak pun taip komen kek bawah ni......leh yo kita respon cikit......

ws........

PONING KE 109 ( Siapa..... Kenapa..... Dimana.... Akuuuuuuu)

Satu panggilan telefon......suatu pagi............d suatu haghi.........d suatu saat......... tesontap hati kita...... bilo pesoalan2 yg di aju...an kek kita....... membayangkan....... dio dah lupa bahaso...... bahaso yang mengandungi keindahan..........bukan setakek lisaniah sajo....tapi cukup power daghi sogi batiniah ey........

Poghang peghasaan belaku lam jiwo kita saat itu........... lam diam2 kita terlawan perbualan hasil daghi pertukaran kasar perkataan ngan dio...... hasil daghi pertukaran tinggi bunyi nada suara ngan dio........

Kita memonung...an dighi kita la ni.............. dan kita memonung...an dighi dio....la ni.......... Aduius..... kenapo dio dan beghubah......... kenapo dio dah betukar......... Mungkin d mano dio betugas tu.....lah yg menyobab..an dio beghubah watak ey........... Keduduk...an dio lam alam ni ........... di ateh kita...... keduduk...an dio ngan kenkawan yg lain pun .....dio dah power....... keduduk.....an tompek kojo dio pun dah tompek yg bagus2........... jadi ey......beghubah lerrr style dio......... Kok nak di panggey laksamano........kok tinggi bona............kok d panggey bentagho.......kok bawah bona....... nak lotak...an dio cam laskar........macam balachi bona........ entah lah cam no kita nak lotak....kategory dio tu ...........daghi kaco mato kita.......

Jiwo kita maso ni jadi kaluk mikir..an hal tu.......... Jadi ey .......kenkawan yg dah donga....cito kita ni dah paham bona .......... Yg x donga laie tu.....ontok2 lah.. biar kita ngan .....hal kito......buek maso ni.......

Kita dah ambik satu titik........... untuk kita rehat kojap..... kita rehat daghi memogang bondo alah tu.....yg banyak kenkawan jenjeng kulu kilir...... mungkin kita rehat kok lamo...sampai penutup taunnnn ni........ Tapi kita totap besamo ngan kenkawan ......setio kita totap ado....... cumo nak rehat ajo.......nak alih angin......... lam pado tu kita latih lak oghang lain kelola...an bondo alah tu.....

Beghubah angin......totap beghubah....... tapi..an bidang tu totap samo...... kawan baik kita Duta Kenyir dah limo kali menanyo...... bilo laie.....nak buek.......bilo laie...nak mulo.....dah limo kali sobut masih laie tak buek2....... kita lak ghaso lomeh....... ni lah ni.....kita dah mulo cikit2......... nanti lah hasil.... ey kita unjuk..an kek duta tu........ Masih laie tecaghi2 stroke yg dah pudar....... io lah ey......... dah beboleh taunnnn ninggal...an

Kita x salah sesiapo pun lam hal ni.....cuma memikir...an........ kenapo jadi cam ni......... dan pulak......mano lah kita beghado dan siapolah kita sebona ey........???????? poning mikir...an

ws.......

PONINg KE 108 ( Prasekolah.......oh....prasekolah.......)

Tigo haghi kek KL kita besamo ngan cikgu2 prasekulah............Dio oghang ni memang handal.... pasal ict ajo ....mako hampey sumo ey dah tahu....... cumo kito kono gilap ajo skill yg ado kek .....ni yg spesial.......cikgu jaman sekaghang ....... colek2 it.........kok tak silap kita ......ado yg dah ado digre......lam ict..........camno pun....tang nak ambik gamba.......... minta maaf ler.....bukan sumo ey yg ado dslr......... Salam cikgu2....... kupek lerrrr gamba kek sini ......macam yg kita dah ajarrrrrr...... Wasalam....


Ado laie gamba....sok2 kita up loadedkan ........ngantuk gilerrrr.......10 pm lam tadi kita ke Subang Jaya.....14 bebughak ngan ujang karton.......dan geng2 kartonist sajo2..... dah lamo x jumpo.......dio tu asyik masuk kenyir........bawak pelawat kat sinunnnnn...........