Kita buek maso ni sodang menuju ke aghah alam yang dikigho setongah abad yang terakhir.... al maklumlah..... kok ikut umur Nabi 63 tahun......... kini kita dah lopeh lima puluh.... tapi ...kan kita dah copek soda..... kita dah mulo kigho2 ompek tahun yang lopeh....... tapi kenkawan kita masih laiee tak soda...ko atau buek2 tak soda..hal ni..... Hal yang dikigho remeh...... (tak de hal punya)...
Kito semuo melaluinyo maso alam kanak2 laiee...... kok tak khatam mako tak buleh nak di jawikan .... lopeh tu ghaso2 tak semuo.... baco balek buku tu.... sampai lah dio oghang soda..... sepatut eh.... kito baco buku tiap2 tahun buleh khatam..... ni tak...... lopeh khatam petamo..... abih lah tu..... tak do nak buek baco sampai khatam laieee...... di biar perkagho tu belalu cam tuu ..... sampai nak habih kalam nyawo....
Mengikut perkiraan kita.... eloklah dimulo..an la ni...... sbb..... kito oghang yang menanggung ugama tu..... seelok2nya.... baco tiap2 haghi..... sbb itu kato Tuhan yang disampai..an melalui Nabi kito.... jadi...kan......kok kito baco haghi2.......bemakno haghi2 kito ulang cakap Tuhan tu..... Yang kita tahu lah..... cakap ustaz...... kok kito baco sehaghi satu baghih pun dah dapek pahalo.... dimughah..an rezki kito.... ghumah tanggo pun aman...... dapek berkat.....
Kito pikir....elok2..... dari kocik kita khatam.... lopeh tu......beboleh2 tahun x khatam balek... cam no tu...... jauh kito daghi mukjizat akhir zaman tu........ kok....ghonung2..an..... kok salah cakap kita ni.....e-kau buang..an jauh2...... kok botul leter kita ni..... kito samo2 dapek berkatnyo....
Buek maso ni..... cubo kito ghonung..an...... di ghumah kito..... ado tak suasano islam dalam ghumah.... kita ghaso suasano tu..... dah di tutup dongan perkagho2 yang melalai..an..... kok tak nampak biar kita citer cikit kat sini..... itu....pun ateh penglihatan kita..... mungkin tak samo dongan oghang lain...... contoh pertamo:-..... kok oghang bekojo laki bini....... maso ado kek ghumah lopeh jam limo..... maso tu waktu Asar sampai lah ke maghrib..... apo yang berlaku kek ghumah kito... kita lihat bilo dokek maghrib citer indon, citer karton, citer yang bukan2 disiar..an.... kekadang kito sendiri pun terikut2..... tambahan laiee...... anak kocek kito.... kok tv 1 tu ado lah azan break kojap..... kok tv lain tu......lajak ajo citer tu.....
Ni dah dokek bulan Sya'ban .... bulan nabi.... maso tu ado nisfusyaaban..... majlis.... yang kito teliti ado doa eh.... ado yang doa..an mughah rezki......sihat tubuh badan...... dan panjang umur...... cubo kito kaji cikit..... tentang panjang umur niii..... Kito doa untuk panjang umur tetapi yang sebonar eh... umur kito tu dah pendek.... tahun demi tahun.... bukan eh... panjang..... tapi makon tahun makin dokek dongan ghumah kocik.... tiang eh.... kek ateh... ingek2 lah cikit....
Haghi ni ...... zaman ni...... maso ni...... anak bujang ko......anak dagho ko..... masing2 dah mulo tak dongar cakap omak ayah..... kito cakap cikit dio.....ghungut panjang.......dio oghang nanti jawab (semuo eh... tak buleh.....) pado hal kok tak ado kito....... mano nak datang ehhh..... dio oghang tu... Jadi kito kono kaji cikit.... anak2 kito tu patut dongar cakap kito..... cakap ketuo dalam ghumah..... cakap assisten ketua dalam ghumah.... pada kita lerr..... ketua tu kono tunjuk..an contoh yang baik..... kita nak tanyo cikit lerrr dengan e-kau oghang....... jangan maghah ahhh..... beghapo ghamai yang berjemaah kek ghumah bersamo2 anak bini..... yang si Ayah eh.... jadi imam sembahyang......!!!!...... kok tak dapek jemaah tiap waktu........ memadai maghrib dan subuh..... asuhan ini lerr yang buek dio oghang mengikut....cakap omak ayah...... Tapi nak hati2 cikit pado oghang ghumah bilo si suami berdoa tu..... takut kalu2 dio doa nak kawin soghang laieee....... kito pun amin..an....he...he...heh....
No comments:
Post a Comment