PONINg KE 102 ( Mencari Kawan Lama.....akhirnya ??????)

Haghi ni Salasa........ pagi2 laie.....dah kuar..an duit cikit........ dah putus belanjo........ nasib baik sekaghang ni moden ........jaman moden....... pak sedagho ghamai........ yg sepecialnya kat dinding buleh kuar duit....... cucuk yo duit kuar........ Jaman nenek moyang kita dulu ...... simpan duit colah banta......., bawah gobok......... dalam jug air....... macam2 tompek ler..........

Duduk minam ngan oghang yg banyak tuah....... haghi2 dio ber' tuah.............. dapek ler tukar2 fb ngan dio.......

Kita sampai kek Mentaus..... kughang lobih jam 10.30 pagi......... mulo2 citer pasal labtop....... nak di tukar ke 64 bit daghi 32 bit......... aleh2 toghingek lak kenkawan lamo.......... nak cakap macam tak cayo....... mula putuih ........ tahun 1981 dulu ......lopeh tu x jumpo2........ kita ajak kenkawan ni gi ghumah dio...... sesampai yo kek ghumah dio.......... dio tak ado......... kato oghang ghumah ey......... dio ke bandar........ Pejabat Post........ kita pun poie ler songsong..an kek pokan simpang poghotang..... jumpo..... tapi kita x cakap apo2 pun..... nak lihat riaksi dio.... kolip2 biji maro ey...... nak ingek...an..... Kita x sampai hati tengok dio tenggholam punco....... cakap ler yang sebenar ey..... bukan main ghiang dio........ dapek ler polok arab....... sbb betahun2 x jumpo...... dio ajak ke ghumah...... makan tengah haghi......

Ustaz Kudus bin Dato' Amar Sulaiman....cam tu ler namo ey....... kenkawan maso SK Bukit Mat Daling.... dulu........ cukup banyak ceghito kok nak di luah...an kat sini........ memang jemu ekau oghang nak baco...... lobih x payah...............

Kita ke Kg Sungai Buluh lopeh ghumah kenkawan lamo kita tu....... caghi lokasi nak chimping bulan dopan...... alamak ey.......... lawa habih tompek tu........... tapi maso ni x leh nak gi...... sbb ..... sawah tongah bebajak..an..... nanti lah haghi komih ni kitaa gi sekali laie...... nanti kita masuk..an gamba ey...

1981 terpisah....... kembali berjumpa 2010...... pada usia dio 71 tahun....... dah jadi Imam masjid pun.............dio tu...... Ado anak ey dah jadi cikgu..... kat daeghah2 situ yo......
.....................ws...........................