Wednesday, February 3, 2010

PONINg KE 101 ( Mengejar Mentari.......Di Kaki Langit Senja......)

Haghi ni kita ngan kenkawan kita...... belolah....... menghalo ke aghah ke pantai......ehmmmmm...... bukan pantai Port Dickson tapi......... ke Kuala Sungai Baghu....... Melaka....... lerrrr...

Citer nye cam ni....... kul 5.00 ptg..... lopeh time pejabat ........ kita dapek call daghi kenkawan.... yg soghang tu daghi Gomeh...... dan yg soghang tu pulak daghi Kolo Pilah....... ekau sumo ehhhh tahukan ciapo dio...... io lerrr ...... masing-masing tak pueh.... shoot kek Pulau Bosa tempoh haghi..... ni lerrr dia oghang nak lopeh..an gogham.....

Yang si Polekbona datang jomput kita... kek ghumah....... jadi...eh.... kita semuo betomu kek Pokan Sungai Baghu....... Masing2 belolah-lolah lerrr ikut aghah nak ke sinun...... sesampai..yo tompek yg di tuju minum potang.......... pun lopeh......caghi jeti ...... mak aiiiii........ baguih ni...... set lerrr ......kamera ciput kita....... mulo2 gamba ......ni

tu matohaghi tongah nak tughun tu....... singgah kek belakang kepalo dio....... Polekbona....... bukan polek bona do........ dio tu........ ado blog..... polekbona......... ado lak fotopages ehhh......... nak tengok...... tuuu........ ateh bolah kolum kanan niiii........

Tongah2 dok meta....... lalu pulak boat nelayan..... apo laiee kelamkelibut tukat setting.......macam nak pitam di buek ehhh........ sbb tak ghajin praktis..... tu jadi macam tu....tu....... ni kono lerrrr ghajin2 shooting.......nak ikut ko.......... kok nak ikut buleh ......tapi....... hal dunio yang lain kono tingga..an..... fokus..... cam tu lerrr...... kono fokus.....tak leh ingek nak balek yoooo........ yang bi bawah ni lak gamba boat nelayan tu....... caghi rejeki lerrrr.....tampung belanjo anak bini....he...he...heh....

Boghonti jap........ taghek nyawo......... sambil tu .....bebincang tontang setting bilo nak ambik gamba waktu golap........ tapi tah macam mano lah mato ni gata .....melilau sana melilau sinun...... nak lek......... dah tongah nak jatuh....... eh bukan......nak tebonam..... koja lak .....caghi angel yang baik......... tah apo2 angel ehhh.....

Jam kat handset dah nunjuk..an pukul 8 lobih......poghut dah memintak2...... tokak dah menggelaha....nak air...... baghu ler caghi makan....... kita betigo....... caghi pot baik punya....nak sorru.... mak aiiii......sodap lak makan kat sini........ besiut....... muncung....... air 1 jug bosa..... habih........ ghaso2 masih laiee tak pueh....... shoot sunset ni....... macam ado bondo yang tak kono........ nanti lah........ episod lain lak kita bawak...ann kat sini yo.............asm.......
..........ws..........

No comments:

Post a Comment

Library kat rumah kita ( Bahasa Melayu )