PONINg KE 97 ( Jumpo Gamba Lamo.......Teghingek cito gompa.....)

Malam2 cam ni memang seghonok layan facebook..... dlm pado tu ujang timbul lak dlm ingatan kita....... maso tu tongak tak tontu aghah..... dio oghang lah bukan kita..... tambahan laiee si Tun tonggolam punco..... Tah apo kono eh...tigo oghang ni bukan main kamcing ...... kok macam lamo dah bekawan....

Tu lah tu..... satu malam .....si Tun sampai kek ghumah..... ajak kita gi Tengganu..... ado hal ponting..... Kang singgah ghumah Ujang ambik dio kek ghumah ey.... Pukul duo boleh baghu betolak ke Tengganu..... kita dalm keto .....duklah sesoghang kek belakang....... membuto la......

Pendek cito ........sampai kek simpang Besut......si Ujang ni belok ke kighi.......ai..... ni jalan nak ke Kenyir....... Iolah ...... kito nak ke Kenyir........ kato si Ujang .......habih.....habih....... oghang ghumah tak tahu program kenyir.........he...he...heh.... dio oghang golak..an kita...... tekedu jap .....

posing ni maso boathouse tongah begoghak ke ulu sungai cacing...... boring ey bukan main poning....

Ompek haghi tigo malam kek sinun....... line tipon tak ado........ memang lerrr syok ...poie mancing....... tambahan kita ni dah lamo bebona tingga..an hobby tu..... dah 14 tahun.....tak pogang batang pancing..... tapi skill tu masih ado laieeee..... tak leh nak usha kita......

Sekali laiee ujang ni memang bebolit akal ey......... oghang kek sinun tanggap ikan lampam pakai tangan ajo...... hai jang lampam mano tangkap guna tangan........ekau baia beboto....... meh den tunjuk..an........

ha.....cam ni

Memang sah ......ekau ni akal bebolit....... he...he...heh.... memang buleh ekau buek kartun......

Maso ke kenyir dalam bulan poso..........mak naik mempus kita tahan lapar....... tapi kan dek sojuk kawasan x ado oghang .....emmmm.........memasing punyo hal lah....... tapi kan iman tu kuek .......... tak ado yang mudarat ey belaku.......kok tak silap hujung 2007 he...he...heh....

Gompa kita .....bilo balik ke ghumah....... ompek haghi x ado beghito..... pitam mem ....... sodopo muncung ey...... kek seminggu..... dio cam tu........ tapi cam no memaghah pun .......belago juo.....akhir.......ey...

maaf jang kita buek posting ni....... sobab kita jumpo gamba Tun ngan kau kek London...... tu lah tu..... bongka cito lelamo ...... sonyum sesoghang lah kita...... kok nak jumpo ekau...... bukan main susah la ni..... oghang tongak sibuk bebona...... tapi kita tunggu yo cito Ujang Goes To London.... tah macam mano la ghomen ey........ salam jang........
........ws........