PONINg KE 74 ( Peristiwa Pelek ......... Tak Menghairankan..........)

Haghi Komis ni biasonyo....... tak buek banyak kojo....... house keeping aje kat pejabat..... cuci sini sinun sikit...... komeh2..an fail...... Kita belek2.... perancangan yang dah lopeh...tahuun ni..kok2 ado yang tak buek laieee.......emmm.......nampak eh.....dah beres semuo eah........ tak beghutang kita tahun niii......

Dah cukup lamo kita tak baco sughat khabar....... tup-tup ado lak satu sughat khabar kat ateh mejo lobi......tak sapo yang boli pun kita tak tahu......... selak lerr satu......muko sughat ke satu muko sughat.......tak menaghek minat kita nak baco.......lagi2.....cito bunuh......saman...... ghompak...... Naik menyampah kita dongar hal cam tu.......... kok pasal duit.....pompuan ko........ buleh membunuh...... haighan kita dunio la niii......

Ado satu yang kita cukup minat nak baco........ cito bondo yang buleh togak sendighi ni...... cukup polek.........cam kenkawan kita punyo blog.....Polek2 Bona tu...... dio punya cito direct...... yang kita ni tengok sebalik eh..... yang togak2 bedighi tu..... sendighi2 tuu........ pulak oghang ghamai tengok......cam no buleh jadi cam tu...... Alaaa....... sejadah yang togak sendighi kek beberapa tompek boleh utagho tanah air kito....tu.......

Kita ghaso la.....memang tak polek........ cam no nak polek.......meh kita buek kajian cikit....... cam niiii...... Kok kito ado kelapangan meh kito poieee.........mosojid...... kito tengok........boghapo punyo banyak sejadah......... kok maso dulu sejadah ateh carpet......sobab karpet tak ado jalur warno yang melotak...an tompek kaki......... Bilo kito kigho sejadah......waktu maghrib........ sejadah dalam setor lobih banyak dari oghang sembahyang jemaah dalam dewan mosojid......... Meh kito lihak lak...... mosojid yang karpete redi mad ado jalur tompek kaki....... selueh2....eh dewan mosojid tu .....tebontang.....siang malam....cam tuuuuuu ajo.....oghang tak ghamai......... Maghrib ado lerrr cikit sbb oghang dah balik kojo.......kok kito intai...an maso sembahyang Zuhur dan Asar lak ....agak2...eh cam no..... Tok Imam dah tepakso.....sbb dah ado elaun...... makmum eh.....buleh bilang dongan jaghi....... mosojid bosa....... kok ado mosojid yang lamo nak dighoboh...an buek baghu.......

Tak menghairankan kita kalu sejadah tu togak sendighi...... kito tak mengimarah...an mosojid .....jadi mahluk halus lah yang memenuhi dewan mosojid tu....... nak di buek dongan tak ado tando.....nanti dilanggar dek manusio......yang soset kek mosojid....... jadi buek lerrrr sejadah togak sendighi....he...he...heh....

Kito ambik lerrr ikhtibar cikit.......sejadah tu togak wak pagi........ tontu lah bondo halus tu sembahyang Dhuha.....kut........ sbb kito tak biaso nampak oghang buek Dhuha...... kek mosojid..... kok ado........ tu...... kita tak nampak.........kok ado baguih lerrr....

Oghang2 halus ni tumpang dewan sembahyang kito........ nak buek tanah dah tak ado.......kok ado....sekali pun......asyik kono ghoboh....an takut tak ado permit nak beno....... Tak pun kono langgar........ sbb oghang tak nampak bondo halus niii.......

Kok ekau oghang baco cito ni......jangab lokeh pecayo.......kono pikir.2....an........ ws......