Thursday, September 3, 2009

PONINg KE 64 ( Apa Pasal Tarawih di kampung kurang jemaah??????)

03 September 2009
Kita lopeh bebuko buek sembahyang jemaah kek ghumah...... memulo..an hal tu pado bulan poso ni.... itu kita merancang.... ssupayo ado peningkatan..... hijrah.... bogoghak daghi takok lamo ko baghu....he...he...heh....

Sebolum tu ....malam kemaghin kita gi Masjid TTJ....... uuuuuai........ bukan main ghamai ehhh oghang buek tarawih..... tapi kita ghaso tak tonang...... teutamo bilo dah masuk kek tarawih yang ketigo...... Imam ehhh ok........ Makmum ehhhh pun ok....... Jemaah pempuan lagiiii ok kek belakang tu...... Tapi..an yang tak seleso tu..... highuk-pikuk kek belakang...... buek kita ghaso tak seleso.... Yang kek belakang tu....... jemaah bebudak kocik..... yang ingus ehhh leleh laieee....... tak pun yang bosa sikit tu........ yang bolum baligh..... Dio oghang ni yang buek bising kek belakang...... tontu ado sbb ehhh...... agak2 ehhhh ado kueh ko!!!!!........ Tapi camno pun ....... niat ibubapak tu memang elok...... memang murni..... melatih..... mendidik.... menterbiah daghi kocik laiee....... tapi kita ghaso tak kona tompek ehhh..... Melatih kek tompek belajar..... kek ghumah..... Kalu kek Masjid ........ itu dah tompek praktical...... tompek melaksanoan apo yang dah dibelajar..... Kekadang telinteh dalam bonak kita....... siapola punyo anak niiiii.......... maso tongah sembahyang tuuuuuuu....... Allah Taala juo yang tahu....... Kita kono pikir2..an cagho halus...... kan tu mengganggu...... namo ehhh....... Kito dapek apo kok mengganggu!!!!!........... ekau jawab la sendighi.......he...he...heh....

Malam tadi kul lapan malam kita dah kuar .......gi Masjid kek kampung oghang ghumah kita....... Tak jauh..... cumo kughang lobeh 15 minit pandu keto..... ikut shotcut........ Kek Masjid niiiiiii Poning kita....... tekolip2 biji mato memikir..an Pasal kek sini longang....... macam x ado oghang.... Kita tunggu juo...... Yo lah buleh la sembahyang Tarawih...... Sah yo sembahyang ehhh........ kok ado soghang jemaah pun........ Tapi kek Masjid ni....... Jemaah lelaki ehhhh dapek lerrr 1 1/2 saf..... kughang lobeh 60 oghang ........ Jemaah pempuan 20 oghang...... kanak2 ado lerrr10 oghang cam tu......... tak macam kek TTJ mendoghu oghang ehhhhh....... Yang best ehhh....... kek kampung ni......... tentogham....... tonang...... syok....... buleh lerrr tumpu sembahyang tuuuu.....

Kek kampung ni .... yang tinggal oghang2 dah tuo2....... ohgang2 dah pension....... tontu tak produktif laieeeeee Kato kenkawan kita....... Itu yang kita x gomar tu........ cakap cam tu memang kita x suko....... oghang lelaki mano ado x pire...... kok makin tuo....... laieee pokat santan ehhhhh......he...he...heh.... Kenkawan kita tu silap juo........ dio x pikir......... yang dah x pire tu kilang lamo........... kok cubo kilang baghu..... nah tahu produk eh cam mano.........

Kampung2 ni yang mano kughang jemaah...... memang elok....... dijadi..an tompek2 mentelaah ilmu........... tu ..... sehabih baik kannn!!!!....... Tompek2 yang sunyi ........nyaman....... tentogham ..... udaro yang sogar.......... patut di jadian pondok2 tompek mentelaah ilmu......... melazamkan ilmu yang dah dituntut....... kok gitu........ Kek...... boleh utagho kita lihat bondo camtu....... memang banyak....... tapi kek boleh sini kughang....... pasal Apo??????////////////

Menyemarak..an kampung kono lah ......... ketuo kampung yang rancang....... dio ketuo........... kughang2 ehhh....... ado usaho nak meghamai..an jemaah kek masjid kito......... pikir2....an mano...... Kalu kek Bukit Tinggi SUMBAR........ malu kita....... mudo....mudi....eh.......memang jago bab sembahyang niii.......... cam no susah pun dio oghang totap buek kek masjid.......... kalu kuar ghumah........ syok tengok budayo kek sinun......... macam nak duduk kek sinun........ x leh........ oghang ghumah ghibut----- puting-beliung jadi ehhh........... copek2 nak tutup .........
...............ws...................

No comments:

Post a Comment

Library kat rumah kita ( Bahasa Melayu )