Bulan Ghojab ..... yang kita tahu ado..lah bulan Tuhan...... Bulan Syaaban Bulan Nabi dan bulan Ramadhan bulan Umat Muhammad...... cam tu lahhh.... cikgu kita ajar dulu2....... Jadi eh.... semalam haghi Senayan..... Kita pun poso lah..... kan apo do..... poso nazar...... dah dapek sesuatu yang dihajati tu..... ado lah bondo eh....yang kita dapek......
Bilo oghang bang kek sughau...... kita pun buko poso..... makan tak banyak do..... cikit ajo....sbb lopeh tu nak ke sughau...... cam biaso lah...... gi ngaji..... Bilo kita kona tang selekoh kek dopan ghumah kita..... ado aksiden..... kita tengok dah ghamai oghang kek situ..... kita tanyo2 lah kek oghang ghamai tu.... siapo yang tebaghing tongah jalan tu...... menurut oghang kek situ budak..... oghang sini yo...... Bilo dah ghamai oghang .... kita pun terus lerrr ke sughau....
Dalam perjalanan ke sughau..... jauh yo... nak pandu keto.......kita pun pikir2..an..... pikir2 soghang dighi...... cam ner leh jadi cam tu???....... Dulu laiee..... dalam poning ke ????? tah kita ado cakap pasal u-wan kita posan..... bilo dah nak masuk sonjo..... kito semuo balik ke ghumah.... tutup semuo tingkap...... tutup semuo pintu...... buek maghrib...... lopeh isyak kok ...... nak keluar pun poiee....lah...... jam cam tu tak apo nak kuar...... tak hal pun......
Kita ghonung2..an sbb apo..... apo yang tersighat kek cito u-wan kita tuu...... dalam 2 pikir2..an dapek lerr kita jawapannyo....... cam nii.... yang petamo ehhh...... waktu cam tuu kato u-wan kita banyak hantu nak kuar ghumah dio..... nak caghi rezki....ko.....nak ngusik oghang ko........ nak cokek oghang ko.... tak tahu lak kita...... jadi eh.... kito kono duduk ontok2 kek ghumah.... Yang keduo eh..... maso oghang nak sembahyang maghrib.... waktu..... ghomang2 sonjo...... mato kelabu waktu tu...... pandangan kito waktu tu..... kelighu tak tontu aghah...... Yang ketigo eh.... waktu cam niii lak ibubapak kito sibuk nak wat tu.....lah.....nak wat niii...... lah....jadi dio oghang tak peghasan anak2 eh.... kuar ghumah..... pulak tu ngan moto.... tah racing ko dio oghang tu.... tah bolumbo ko ...... macam2 budak2 tu leh buek ngan moto..... agak2 kita lerrr budak aksiden tu belumbo ngan jin kut..... puleh punya puleh minyak moto....... yang si jin ni lopeh cilok keta kek dopan dio...... yang si budak ni lak.....agak kita lerrr ........ cilok tak lopeh...... tersondol buntut keto..... apo laieee toghobang ......... jadi keluang man....... tak lak pakai topi keleda..... itu kita ghaso2 lah....... tu lah posan arwah u-wan kita ....... sonjo2 masuk ghumah........... Tapi jaman sekarang ni ....... bilo sonjo yo...... budak2 mulo nak kuar ghumah....... ado yo..... bondo nak di buek eh...... agak kita dio oghang tu geng dongan hantu kut!!!!......jangan marah ha..... he...he...heh ...
Bilo dah eksiden ....... dah tecabut nyawo...... nak nangis kek sapo..... kok di sebak2..an silap sapo ... silap ibubapak jugak sbb tak pantau anak2 kito..... Disiplin tu pado pendapat kita lerrr bemulo daghi anak2 kito masih kocik...... bak kato oghang tuo2.....nak lonto buluh biar lah daghi ghobong..... kok dah jadi buluh ....... kito pulak di gembat...eh...he...he...heh..... bilo dio oghang dah bosa2 kito yo..... yang poning......
Maso budak2 tu kocik.... kita menanggung kerenah eh..... bilo dah bosa kito menanggung ghagam eh tapi bilo dah dewaso kito yo...... yang menahan peghasaan........ ado yang menjoghok jiwa..... ado yang jadi penawar jiwa dan ado yo...... anak yan buek kito poning....... Kok kocik kito bosa..an.... kok dah bosa..... kito sekulah..an biar pandai... kok dah dagho atau bujang nak di nikah..an... lopeh tu kito pulak..... jadi amah...... baby sitter...... tompek belunggok cucu...... cam nerr nak wat...... sayang anak lain ghaso...eh....... sayang cucu..... tolobeh sayang eh..... daghi anak2.....
No comments:
Post a Comment