Tuesday, June 23, 2009

PONINg KE 36 ( Domam2....Al-Nino.....!!!...)

Mencaghi bahan nak buek citer bukannyo mudah… kekadang bepinau bijik mato mikir..an….apo…..nak taip ni….. apo nak buek niii…… apo lak yang kita nak luah..an.. Kato kawan kita tu…. Kita buleh citer macam2… ado citer kek keliling kito…tapi nak diolah..an camne. Kekadang kek ateh kepalo kita nak buek citer ni….. tapi kek dado kato tak leh…kono buek citer lain…. Udah eh….kek ateh bepodang ngan kek dado….( hati ) jangan e-kau pikir..an bondo lain… kita tak maksud bondo tuuu……. ( jangan ado otak kuning lokek kek kepalo udah lah ).

Jadi..kan maso ni ….banyak bencano melando kek negara kito…. Tambah..an laiee…. Kita dongar kek radio asyik cakap pasal Al- Nino…. Tambahan laiee… potang tadi kita duduk santai kek belakang ghumah ngan jiran2… pun ado cakap pasal Al-Nino niii…. Ado soghang tu cakap laiee….menakut..an… Dio kato kok boto lah jadi bencano tu….. paneh kek negaro kito mungkin jojak 40* darjah ke ateh…… u….mang aiii… Cakap dio tu buek kita tekonang kek Mokah tahuun 2007 dulu….. maso tu kita buek UMRAH…. Hai yoo…. Paneh eh….cocah 40* darjah ke ateh… memang paneh….. kok panas kita buleh tahan laiee….. tapi..kan kok paneh tuu…. Degree ehh…. Dah cocah yang tinggi……. Tapi kek Mokah kita buleh tahan laiee… sbb paneh kogheng….. tak lah lobam kulit kita….. tapi kalu kek sini paneh cam tu…… paneh lombab…. Haiii….. lobam kulit kita…. Kok kita bejomo lah lamo2 kek sini e-kau tau tak apo akan jadi???? Biar kita kato..an kek sini….. mintak maaf lerr kepada yang lain yerr… cam ni….. kok bangso yang kulit putih mato sepit tu bejomo dio oghang jadi Melayu….. kok oghang kito bejomo lamo2 jadi kulit negro….. tapi…kan kok yang kulit golap tu jomo lamo2 e-kau pkir..lah apo jadi ehhh……dah lah golap jomo2 lamo2 jadi hantu lah dio….. he…he…heh…

Klinik swasta maso ni lah banyak buek untung…. Sbb banyak yang domam eh…. Ada kawan kita tuuu….. dah poiee… klinik….. kono makan ubek batuk….. bejeluek..an kuar isi poghut.. eh…. Tu oghang yang alim ehh…. Kok kono yang kaki bedongung… memang di caghi ehh. Ubek batuk tuu….

Kita pulak haghi ni….. pagi2 laie dah gesek manchih api tak nyalo…..cis….cis…..cis… beghosin…. Air leleh kuar batang hidung….. Pagi tadi pun hujang lobek…. Tetibo ajo…. Nak tarik kain selimut hari dah nak poie kojo…. Mahu x mahu bangun aje lerr….. kok haghi minggu lerrr mahu lajak laloq tu…. Kita punya style lak tak suka nak ke klinik…. Cam mano domam lah…. Kok buleh elak ke klinik kita elak..an… paling sodap ubek yang kita mahu..an kok dapek tidur…. Lurus..an badan…. Baghu sihat cikit badan…. Cam tu lerr kita kok kono ingus leleh…… ateh sbb itu haghi ni kita x kuar mano2….. cumo poie minam soghang2 ajo…. X leh ajak kenkawan…… bimbang kok beghosin tongak makan….. menyombor kuar lek makanan tu…. Kok lopeh tompek lain x apo lerrr…. Jadi gaduh lak kok tersombor kek muka kenkawan kita tu…..ja hal lak….

No comments:

Post a Comment

Library kat rumah kita ( Bahasa Melayu )