PONINg KE 123 ( Makan-Makan ..................

Asm....
Malaysia ni memang kayo dengan majlis makan-makan.......waima kek mano pun kito poie.......majlis makan-makan pasti ado....... Yang paling mewah makan-makan......apobilo mulo haghi ghayo........ stat satu haghi ghayo ......sampailah nia....haghi ni .........masih ado yo majlis makan-makan.......... kekadang telajak yo Majlis Haghi Ghayo........sampai duo tigo bulan lopeh Syawal......... nak wat cam no........mewah ......

Semalam.......kito timo undangan majlis persaraan gurubesau.....Majlis tu jatuh ey haghi ni.....kang jap-jap laie kita kono lah poie .......hadiri majlis tersobut.......kenkawang yang nak pencen tu........nak namat..an kojo jadi gurubesau.......... esok dio dah lucut jadi gurubesau.........dio dah jadi cikgu pencen...........title cikgu sepanjang hayat.............. Dalam meraikan dio pencen ado jugo majlis makan-makan..........namo ey.....jamuan perpisahan............

Haghi jugo kita tima undangan majlis makan-makan kek Kuala Pilah pulak..........makan yo cito ey.... tu lah tu ......kito koba..an..... Malaysia ni memang kayo budayo makan-makan.  Majlis ni nanti bukan ey apo........ majlis yg dirancang nak buek sambutan haghi ghayo minggu dulu.......tompi dah diblok dek ketua kito.......adolah kursus maso tu....... minggu terakhir syawal......tolan air liur lah kito sumo........Camno pun rancangan totap dijalankan.......... so jatuh ey....haghi ni lah dibuek..an majlis tu........tukar namo ey......majlis makan-makan antagho ahli-ahli.. yang goma nangkap gamba......

Kito lupo lak malam tadi yo ado dua makan-makan......... satu kek matahari height.....dan satu laie kek sughau biaso kito poie.......... pasal makan-makan ni yang tak leh nak kontrol....... duo2 majlis tu kito tak dapek poie.........kepalo donyut2.......

Umpuk esok pulak .....kito timo duo laie jemputan.......kali ni jemputan makan-makan jugo.......Majlis Perkahwinan......... yang satu kawan lamo....menjemput nikah anak pempuan ey...... camno pun kito kono yo poie.......... nan satu laie lak jiran sekampung pun nikah anak ey...... kono yo congak2......... kok mentengheh poghut ni.......... bosa kemungkinan....... tak jumpo jalan...... makno ey.........paham2 lah............

Budayo makan-makan ni macam dah naik sebati dengan bangso kito ....... nak dikigho....memang bagus........ tak dikigho membazir.......tompi banyak yang membazir.........makan-makan yg tak habih tu.....kenkadang dibuang cam tu yo.......heeeeeeee............nangis ........ Somalia....... sebiji nasi jatuh ketanah pun dikutip ey....... rezki2 tuan........

Ni kito nak kenkawang  donga:-
Gendang gendut tali kecapi
Kenyang poghut sonang hati;

Gendang gondut tali kecapi
Konyang poghut daghah tinggi;

Gondang gondut tali kecapi
Konyang poghut copek mati;

ws...he.....he.....heeeeee........