PONINg KE 121 ( Olek Ipar Den...........hidupkan kembali...)

Berlangsung dah.......kendughi nikah anak sedagho kita kat Lui......Barat......lam Negoghi Sombilan laie.........Kono lak ambik cuti ...cumo nak nolong kak ipar kito....... yang ngado..an kendughi ni..... nikah anak ey yg ko ompek....... tu pun ado laie....nak dagho ey yg lum kawin ......... masih budak laie........

Kita tak ponah laie nampak yg kak ipar kita ni catering........... macam oghang2 bandar....... oghang2 taman...... oghang2 pokan........ dio masih laie ngamal..an olek sekampong......... sehaghi sebolum haghi langsung........ kok tompek kita dinamo..an 'bekampung'......... tompi kek sinia.....tompek oghang ghumah kita di namo..an 'kayu berakar'..... lain bona lak kek sinun......dio oghang gola..an 'rewang'. Macam2........ daghi yang kita mandang..an........... oghang2 kek sinun tu ...bukan ey dari samo daerah.....atau mukim........ ado yg daghi batu pahat, muar, melaka, peghak dan n9 ..... jadi ey .....tangkap istilah yg sonong........ teghambik lah rewang kato oghang jawo...........

Oghang2 yang rewang ni ....bilo kita pehati..an..... semuo ey dah masuk sonjo......50 ke ateh.....lutut dah longga...... sondi dah bunyi.......mako ey..anak2 mudo satu duo keghek yg nampak..........kok macam ni..lamo2........jadilah macam kek bandr2, pokan2 dan taman2..... bilo nak kendughi sinonim catering..........

Ni satu laie yg kita nak koba..an. Hajat omak pengantin...... nak di aghak..an ngan bepiko.......dah duo tiga anak ey nikah........ tak ado yg nakhondak bepiko........ yg soghang ni tak dapek nak kato apo pun........ nyoghah yo........ Adat2 perkahwinan cam ni dah jaghang bona kito nampak........ dah nak habih pupus.........tari pighing pun dah tingga oghang2 tuo yg naghi........ silat persembahan..... pun dah ghuyup......... kan tu budayo kito...... cam no lak kito yg ningga..an adat2 dan budayo kito tu.........lamo2 tak beghadat kito ni........

Unsur2 moden buleh di tambah..an...... tompi jangan lah adat budayo kito nak dibuangan.....hai tak lah dongan nak mudo kito............akhir ey dio tak tahu pun adat budayo sendighi..........