Kepuasan bermandi-mando kek dalam kolam ghonang sehinggo maghrib tidak mengakhiri aktiviti. Selesai sembahyang maghrib berjemaah.. kami semua berhimpun di padang untuk meraikan sambutan harilahir......yang terhimpun dari bulan januari hingga ke bulan April.........Sesiapo saja yang jatuhnya harilahir dalam bulan yang disebut..an tadi....adolah hadiahnya...... tak kigho bosa kocik..... Acara berakhir hampir jam duaboleh malam........ Masing2 masuk keghumah masing2......kito yang menginap kek ghumah utamo..... mulalah menayang..an shot2 yang dah di ambik........
Tongah syok2 nonton.......tetibo yo tejokoh.......lembago beselubung putih kek hujung seghambi.........terghogau....semuo oghang.... Mak Lang toghuih melompek...ketongah seghambi..........pocong tu hilang ngan sekolip mato.....losap tah kemano....... lah ai.......kok dio ngajak beghugau...yo..... Kito lah tak sompek nak shoot........ sbb x sedio ngan kamera....he.....ghogam yo hati ni.....
Nonton sliad totap ditughuih..an...... golek ...sonyum.....berbaghai daghi mulut memasing........neghok..an gelagat memasing....... ado soghang tejoghit...... ngato..an nampak pocong kek hujung tanggo ghumah........ sumo oghang mandang kek tanggo.........memasing ngato..an tak ado pocong pun....... Yang nampak tadi tak beghani duduk tompek dio tadi.......dio nyolit tengah2 mak2 sedagho..........
Kito yang kebetulan teghaso nak melopeh..an hajat....tughunlah ke tandas yang lotak ey.......bengasing..an dengan ghumah utamo tu........ dalam kita bejalan.....tenampak pocong tu.....teghondap2 kek belakang ghumah....... di sebak ey.......kain putih yang nutup kepalo ey....... Allah ai...........!!!!!.......
Kita naik semulo dengan sonyom mengumtum......... goli hati den mikir..an pocong tu......... Tapi pertunjukkan slaid tu tak habih laie....... kigo2 pukul 2 mlm baghu selosai........ Dah lah memasing tak maun nak balik keghumah memasing........ jadi ponohlah tongah ghumah..... dan yang kek seghambi jantan2 yang dogey2 tido kek luar.....temasuk lah den..... sbb kita dah tahu mano asal pocong tu.........
Tongah sesibuk nak lolap..an mato......tedonga lah cito2 daghi tongah ghumah......kato..ey..... yang suko ngusik2 ni tak lain tak bukan Om......ni tontu Om yang jadi pocong........... Kita dalam nak lolap..an mato......tesonyum sekali laie.........tetahu ajo tingo ni dah donga azan subuh....ey........dah Subuh yo......baghu bona kita lolap..an mato....
No comments:
Post a Comment