JEJAK2 PONINg VI ( Mendaki Broga )

Aduhi ai..... dah lomo bona kita tak updatekan blog ni...... macam....poie betapo....... Maklumlah kekadang kito ni...... ado mod kekadang ado mid.......jugo kekadang ado med yg cokap sentiaso ada geng kita Si Mamud......

Minggu lopeh ngan kenkawang dio set nak tengok tompek..... kato ey Bukit Broga di Somonyeh..... Kita pun ikut jerrr lerrrr... Mak datuk aie kenkawang kita putus ongap..... mencangut2......kek level keduo........ Kita lak naik pitam kek level akhir...... bilo nampak tanak lapang....kek ateh bukit tu....

Memang kita teruje sekali...... kek ateh bukit tu ado sebatang pokok...... ado buai..... mang aie...... sogham yo kita tengok ey.....kok2 ado puteghi.... ado yo can....... jangan beghubah ghoman ey dah ler........

kok dio laghi tak apo lak .....niiiiiii kok kita yang laghi........ tak cukup tanah kek broga...tu.... melayang2 kita tughun daghi bukit tu......

Tompek ey memang baghuih........ tapi bolah potang......angan kita bilo matohaghi nak tobonam..... iolah......nak ambik gamba...... pepandangan....paling best 2 ko 3 jam sebolom sang suria tu tughun atau menjongok...an dighi dio...........

Mano tak poning.....ey ......maso kek bawah laie....... dah belasah dughian...... memang maso musim dughian...... kenkawang kita ni lak patang jumpo ........ manjang nakkkkkkkkk ajo.....

Apa2 pun kenkawang yang lain jangan maghah hah....... kita cuma nak riki tompek ey........ jangan lupo bebanyak latihan...... lopeh ikut kursus kek Tanah Tinggi Kameron dulu yo...... banyak yg dah di aja........ latih2 ler....... next kok nak aja lighting lak..... ngumpul2 duit ler beli flash.......... kok x ado bebeno ..... pakai lampu celait pun buleh .....he...he...heh....

dah kita nak tido ni.........ws