Minggu yang lopeh emmm......22 November...... tak sangko2 member kat sebolah ghumah ajak buek dodol......(kelamai.....kek kampung kita cakap cam tu)..... jadi eh....... saip2 lerr member pasang khemah....kok2 hujan maso mengacau tu....... Mengacau boto2 kek belakang ghumah kenkawan kita Munawir.........emmm......yang dodang cokak pinggang tu........ dio lah anchornya dalam hal2 macam ni........Program mengojuk2 cam ni biaso ajo buek kenkawan kita sejiran...... daghi mulo2 duduk ghumah ni.....agak2 eh.....sojak tahun 2002 laiee..... selalu buek ........ bbq lerr........ bakar lomang lerrr.... buek dodol lerrr...... kok tak ado yo aktiviti ......... cukup lah minam potang samo2 kat belakang ghumah tu........ Kalu kita ado pisang masak ......oghang ghumah kita buek kodok.....hangek2 laie...... hidangkan kat luar ghumah........maksud kita .....tompek biaso lerrr ......... dah siap dongan mejo dan keghusi..... Yang mengamcam eh....bebudak yang main bola sepak jalanan.... tu....... dio oghang kokojap beghonti........lopeh cokau kodok paneh..........lopeh tu main balik....cam tu lerrr ...... koghap yo kita buek camtu.......syok tengok bebudak camtu............
Mengacau dodol tu ado sobab eh....... menjolang 27 haghi ghayo haji....... tu sbb timbul ideo nak kacau dodol...... semuo dibuek oleh kaum jantan......oghang ghuma maso ni duduk santai.....jadi mem bosa....... Tapi pueh yo nak kacau kok makin lamo makin kogheh..... Takdo hal tu .......jenjiran ghamai nak tolong.......... yang paling tuo Abang Nordin.......oghang dah bebeghapo tahun pencen pun join sekali....... tabik spring kat dio........
Lopeh tu solang bebeghapo haghi kemudian......buek bakar bolu....... 26 biji tolo habih......nak test....buek.......nak makan-makan kat luar.........(belakang ghumah tu lerrr).....cam tu yo bebudak ghamai join sekali.......dio oghang tu tolong makan ajerrr...... ponek memang ponek...... tapi gumbira
Mugo2 semangat cam tu bekokalan selamo2 eh.................ws...........
No comments:
Post a Comment