PONINg KE 111 ( Bercuti...........Kaki.... Basah)

Malam Jumaat yang dah lopeh........kigho2 esok ey ghayo Deepavali......kita diajak menomani oghang ghumah kita ke utagho tanah air......Yang sodap ey tuk kali ni bejalan.... cumo beduo ajo......yang lain tu kono tingga..an kat ghumah...... Jalan2 kali ni.....cumo beduo2...an..... Iyo lah ey.....lobih tongah abad usio..... nak ingek3..an nostalgia tu...... capture kembali saat manis tu........pengikat dan pengukuhan.........

Maso tu.....banjir attack Kedah ngan Perlis....... jadi ey kita nak lah tengok2....cam no air bah tu..... dah lamo x jumpo air bah..... Kebetulan 10 bauh bas daghi NS menghalo ko tompek yang samo..... konvoi kito beghamai2........


mulo2 nak mengaghong air bah.....

Dalam bas kita ....capai kamera bughuk kita......shoot yang mano patut....comeh ado yo ghaso dalam hati ni....kok2 bas sangkut......habih lah cito nak ke pulau.... di pandang kesekeliling kampung menguning air bah...... cam dalam gambar ni

Air bah.....donga kabar air daghi Siam

Walaubagaimano pun Captain kito memang handal......lopeh air bah dihanghong ey...... tebek kat dio......tapi apo lah........paneh kek dalam bas tu.........aircon ditutp ey........Dio kato tungggu sampai air kogheng....kok2 injen ey teghondam.........

Kegheto di bahu jalan

Bersusun2 kegheto oghang kampung kek bahu jalan........ mahal tu bang oiii.... leleh poloh nak dapek..an...... bukan sonang......nak sonang punggung.....mencieah poloh........nak dapek..an kegheto tu...... copek2 ...an pindahkan dio ke tompek yang tinggi sikit....... Maso ni lah kito nampak dan buleh kigho macam2 jonieh kegheto......

Destinasi yang di tuju....akhir..ey kesampaian juo......kek pukul 8.45 pagi.......landing Kuala Perlis.... Alhamdullillah....... ops........nak caghi nescafe tarik ngan ghoti canai......dah keroncong..... oghang kek dalam ni............Habih bab memulo.....kito sambung sok2....yo.......